jueves, septiembre 05, 2013

Los cortijus valviensis dendi "el vuelu americanu"

La cartografía por mé dela redi ofreci una Estremaúra que, los más nuevus, no conocimus. Con el hormiguillu de abrigual cómu eran estas tierras delas Vegas Baxas duranti se hazía el Plan Badajoz, descubrí el serviciu que el IDE Extremadura da delos retratus del Vuelu Americanu de 1956. En essa fecha estavan a hazel-si los puebrus nuevus, a rompel los cerrus las tragillas i desvial regatus i riveras, a echal carreteras... Vemus cómu la tierra adehesá delas Vegas Baxas prencipia a mual ata lo que tenemus ogañu. No estava l'alamea del ríu, ni las juncias tupían las riveras ni los chalés estavan espurríus enas tierras.

D'essus tiempus mos quea el testimoniu del cursu vieju de dozenas de riveras i regatus, del passu de Guadiana i de cortijus que ya no están. D'estus últimus vo a ponel los retratus, los cortijus delas tierras que oi pertenecin a Val-dela-Calçá, de ai más de mediu sigru.

La Vara

Cortiju vieju la Vara i Satisfolla

La Rueda Grande i la Rueda Chica

Sarteneja la Chica

Cortiju con choçu junta'l Muro

Cortiju dela Isla Baldía

Cortijus enos Carneriles

Cortiju dela Reselva

La Rabúa

Cien-Ventanas

La Cuvilla

No hay comentarios: