domingo, abril 07, 2013

Los andilis del'agua: Los dominius de Guadiana II

No puei perdel-si el ombri el esgalaçu del ombri, peru quandu es dela naturaleza sostribau pol propiu ombri dobrimenti le cumpri la visión. Los avuelus se recordavan dela riá del 47, duna Guadiana dislocá, bravía i arramplona. Los mocínganus se acercavan enos sus cochis de colorinis i con pegatinas a vel las graveras i los merenderus dela Puebla. Los zagalis se sostribavan ena barendilla del Pico de Lobón a desgañital-si contra el mundu en palabras aprendías dela teli. En amotu, en cochi, en decaúvi, a peonça, ralus en becicleta s'acercavan ala mairi Guadiana a susprendel-si de vé-la vestía de guapu, arriscá conas aguas que las presas le quitavan, conos andarríus recolgandu comu pendientis escassus, en un tragi cisti que bancalis i graveras apresan. 

Con tó i con essu, ya endelgaçó, ya perdió varias tallas d'antiel pacá. Ya los piquinus de casillas i molinus se vein, ya, vergonçúus i empelotis, los caminus se ván asseñalandu en el'agua i los bancalis ván dandu avau desaguandu a pocu a pocu por tubus i desagüis. La señá Guadiana, dispués dela tupitanga d'estus días, dis que quiel de ponel-si a régimi.

Casilla pal Soto la Rabúa

Braçu pal Soto

El techu del molino d'Isidro

Los Correeros de Fernando-Alón

Alamea nueva junta los merenderos dela Puebla

Carretera çaleá pola salía dela Cañá dela Virgen

Merenderus dela Puebla

Casilla junta los merenderus
Gravera de Nogales


Camino entre bancalis

Lindi entre bancalis

Carretera Barbaño, entovía cortá

Molinu de lus, en Lobón

Caminu del molinu de lus



No hay comentarios: