sábado, abril 06, 2013

Los andilis del'agua: Los dominius de Guadiana

Esta semana atrás hue una catastrofi pa cientus de vezinus delas Vegas Baxas. El mal barajeu delas presas truxun descalientus i quebraerus de cabeças alos que paquí vivimus. Barbañu, por unus días hue desempobrau; cientus d'ectarias alagás; casas aislás que cumprin con su nombri pos son verdaeras islas en metá del'agua; la rivera del Limonetis se salió dela caxa empantanandu la carretera dela Albuera; los balbuínus abati con el'agua de Mataquinterus, Guadiana i los Limonetis abocaus a soltal las casas; el badén de Talavera cortau; l'Alcáçava i Guerreru enllenandu bancalis i la carretera del Montiju; los ojus delas puentis de Méria i Badajós quasi que encegaus pola corrienti; milis de frutalis ahogaus; tomatis i maís sin sembral... El Plan Badajoz se farrunga por tós laus quandu vemus las Vegas Altas i las Vegas Baxas comu si hueran un bamburral o una ciénaga. Ná puei assujetal Guadiana: no divamus a sel nusotrus más que la huerça delas sus aguas.

Las puentis arrecuperan el cussu por baxu, los caminus se hazin riveras, las parcelas balsas, los hoyus charcas i las charcas es ríu, las islas se desparecin...: el respetu i la huerça de Guadiana con tol su destendimientu es compricau escreví-lu, de má que vos queu con unus retratus de ayel tardi dela parti'l Muru, ena lindi de Val-dela-Calçá con Talavera, Sarteneja i Guaxira.

El Puenti Roto

La charca las Yeguas

Estacón de caminu

La gravera del Puente Roto

El Muro cumpriendu cona su tarea

Bancal alagau por retrocessu

Compuerta fechá nel caminu que abaxa ala gravera

Bancal desaguandu

Boca del Antrín

Bancal alagau. Detrás el correntón dela Branca

El correntón dela Branca

Casilla aislá pola suba del correntón dela Branca

El caminu la Isla Baldía

Miraol de páxarus

L'Acampá

Chopera nueva alagá de junta la Barca

Camino la Barca

Cortijo'l Plaíllo

Casilla la Barca

Camino la Barca

El molino d'Isidro (en anguna parti, paí ahogau...!)

No hay comentarios: