martes, marzo 06, 2012

Valdelacalzada en flor 2012



Val-dela-Calçá se visti de primavera. Callis, praças, praçuelas, balconis, enrejaus, huentis i pilonis luzin en estus días los coloris rosa i brancu dela primavera en estas tierras.

Colonu i ayuntamientu
Esti añu vezinus i vezinas del lugal, gastandu de materialis reciclaus comu botellas de lechi, borsas de prásticu o redis componin froris colas que adornal los prencipalis menumentus. Los particularis enllenan las ventanas las sus casas tamién con froris, enramaus, etc. La poa los naranjus d'estus premitin vél las callis brancas colas ventanas afrorecías.

Torri la ilesia
Huenti la Praça
En La Praça, s'entretecin cola huenti cientus de froris brancas i rosas. Amás, con arvus arrancaus que no cuajarun enas parcelas, puestus en macetonis, luzin froris hechas con botellas reciclás.

Calli La Luna

El peru la huenti la calli La Luna













Las callis peatonalis del puebru, atinu delos inginierus del puebru, pos imitan las callis estrechas delos puebrus viejus, luzin de casa a casa froris ala manera de guirnaldas. Alas vezis, arrecuerda ala Festa das Flores de Campo Maior, con el cielu coloreau de froris.

Huenti la calli La Luna
Calli San Pedro

En el campu, ya están afrorecíus los primerus cirgüelus i angunas variedais de malacotonerus están bien roseaus. Los almendrus están perdiendu ya la oja, enque entovía se puein vél angunus, pa Guadiana i salteaus enas parcelas. 


Frol los primerus cirgüelus

Frol los almendrus








No hay comentarios: