viernes, octubre 14, 2011

Cantaris: La lu d'este pueblo

Esta semana arrecogí un cantal que se echava ena romería San Isiru en La Puebla, arremetiendu contra la eletricidá enos añus en que la pusun. En muchus puebrus sacarun cantaris aparecíus quexandu-si de esti enventu que a lo primeru tuvu una acogía andúa.

Versión: La Puebla (Baajós).
Métrica: dos endechas (2 x 4 essassílabus).
Lengua: castellanu con rasgus estremeñus.

La lu d’este pueblo

es una porquería,

s’apaga de noche,

s’enciende de día.

Viene el cobradó,

¿cómo voy a pagá

las cinco pesetas

menos un real?

1 comentario:

Ringurrangu dijo...

Esperu qu'esté grabáu o recuerdis el son, que la letra es namás que la metá. Estus cantaris de tema moernu normalmenti tiinin sonis mu ligerinus y con pocu rasgu indígina, pero a vedis dan anguna sorpresa. Nel cancioneru de Torrojoncillu (ya sabis, ésti: http://books.google.com/books/about/?id=UJghAAAACAAJ ) vidi un cantal a tentu las quintas nel que salían las parabras "petróleo" y "petrolistas", pero el cantal era modal y con microtonus (con "+" marcáus por cima la partitura), amos, que cogierun un son bien antigu pa acompañal coplinas mu moernas.