domingo, septiembre 20, 2009

Serenata

Vos pongu una cancionzina que é arrecogiu ena Puebla de la Calçá. En ella se pon pol craru la vertú el namorau que es el valol i la tentigués. El coraçón le dis cogel la frol, es lo que d'él está pendienti. La voluntá de la queria es desconocia i en poca estimación la tien el moçu: el propósitu es arcançal la frol i entriegálsila a la mocina serrana. Haga ella lo que le venga en gana con ella, pero la empressión ya la tien.

Tengo que subime al arbo,

tengo que cogé una fló

y dásela a mi serrana

que la ponga en el barcón.

Si la pone o no la pone,

o la deja de poné,

tengo que subí al arbo

y la tengo que cogé.

1 comentario:

Oppedens dijo...

Essa letra sali nel "Asturies Patria Querida" xDDDDDDDDDDDDDDDDDDDDDDDDDDDDDDDDDDDDDD. Inque no ahí namás, creu qu'en otrus sitius con diferenti melodía y qu'hain otras velsionis en Estremaúra, anguna creu qu'hay en cancionerus de paquí. Es una copra tradicional que pareci en cantaris de divelsus sitius. No creu que la velsión de la Puebra tenga la mesma melodía qu'el "Asturies Patria Querida", me maginu que sedrá diferenti ya qu'inque la letra contiini copras tradicionalis cumu essas estrofas, se conoci quidiás el autol de la melodía. Ya me contarás. Esta es la letra el "Asturies Patria Querida" enteru.

Asturias, Patria querida,
Asturias de mis amores;
¡quién estuviera en Asturias
en todas las ocasiones!

Tengo que subir al árbol,
tengo que coger la flor,
y dársela a mi morena
que la ponga en el balcón,

Que la ponga en el balcón,
que la deje de poner,
tengo que subir al árbol
y la flor he de coger.


Pues oyel velaquí el "Asturias Patria Querida" enteru cantáu. Ya m'idirás si hay angún autiju (que nu creu) ena melodía u nu hay nengunu